Exercise ki ahmiat jetni mardon ke liye hai utni khawateen ke liye bhi hai. Exercise jism ki fazil charbi khatam kar ke isay mutanasib aur khubsorat banati hai balke ye duniya ki behtareen khuwab awar dawa ka kaam bhi deti hai aur bay khuabi se nejat delati hai. Aap ke mood ko bhi khushgawar banati hai. Beshtar mahireen e qalb iss baat par mutafiq nazar aatay hain. ke agar koye khatoon haftay mein teen din adhay gantay tak achi exercise karay to usay dil ke doray ka khatra baqi nahi rehta, iss liye iss baat ki bohat ahmiat hai ke 40 baras ke umar tak phuch ne se pehle hi exercise ka program tarteeb dailena chahiye.exercise sai hamarai jisam mai vitamins full hoti hai.
Yeh baat har shakhs bakhobi janta hai ke zindagi aur sehat ka choli daman ka sath hai. Is baat ko sirf is had tak janna he kafi nahi, balke is ko samajhna bhi bohat zaroori hai. Is ko samajhne ke liye is ki gehrai mein ja kar yeh pata chalana hai ke wok on se usool hain jin ko apna kar hum sehat aur zindagi ka meyar aala kar sakte hain. Qudrat ne insaan ke jism ko aik machine ki manind banaya hai jo agar chalti rahe to apna kaam bakhobi karti hai aur agar maheeno band parhi rahe to beykar ho jati hai. Ya zang aalood ho jati hai. Sehatmand rehne ke liye rozana mushaqat ka kaam zaroori hai. Kyun ke aaj kal jismani mushaqqat se ziyada zehni mushaqqat hoti hai, is liye humen apne jism ko mazboot aur tawana banana ke liye warzish ka sahara lena parhta hai.
Warzish na sirf jismani sehat aur tandurusti ke liye zarori hai bal ke is se zehni nashonuma mein bhi madad milti hai. Chehre ki shadabi ke liye subha sawere warzish aur chehal qadmi karni chahiye, is se chehra gulabi ho jata hai. exercise se hamari sehat par masbat asraat murattab hote hain aur jism ka dauran-e-khoon tez ho jata hai. Jism ki falto chiknaai kam ho jati hai. Jism chust aur tawana rehta hai. Rozana subha chehal qadmi Karen, chehal qadmi aesi warzish hai jo khusosan khuwateen bachpan se bhurapey tak kar sakti hain. Warsish karne se insaan ka aesaabi dabao khatam ho jata hai. Aur inseam mein masbat soch janam leti hai. Lihaza rozana thora waqt apne jism ko sehatmand rakhne ke liye bhi nikalna chahiye
0 comments:
Post a Comment